MAKALIPAS ang isang linggo...
Sabado ng araw na iyon at sa araw na iyon ay inaasahan ni Cedrick ang pagdating sa email niya ng resulta ng DNA test nina Angela at Luna. Sinabi niya kasi sa nag-test na sa email na lamang niya ipadala ang resulta para maka-save sila ng oras. Tutal ay nabayaran na niya iyon.
Kagabi ay hindi na siya makatulog dahil sa labis na kaba. Malakas talaga ang kutob niya na magma-match ang DNA nina Angela at Luna. Hindi siya maaaring magkamali sa kaniyang kutob. Kahit nga si Liya ay napansin din ang pagkakatulad ng dalawang babae, e.
Pagkagising ay bumaba na si Cedrick sa salas at doon naghintay. Naabutan pa niya si Luna na nagwawalis sa harapan ng bahay. Nang pumasok ito sa loob ay halatang iwas ito sa kaniya. Nakayuko na parang natatakot. Alam niya kung bakit at iy
