SMITTEN 16
Dahil late na akong nakatulog kagabi ay napasarap tuloy ang tulog ko kaya iritado na si Triton sa paghihintay sa akin kinabukasan nang sa wakas ay matapos akong magbihis at humarap sa kanya. Medyo hinihingal pa ako sa pagmamadali. Basta ko na lang sinuklay ang buhok ko kahit hindi pa gaanong natutuyo ‘yon at walang ka-makeup makeup man lang na humarap sa kanya.
“Asawa ko! I’m sorry, I overslept,” sabi ko agad nang makita ang iritado n’yang mukha. Agad na ibinaba n’ya ang binabasang newspaper at saka tumayo na.
“I told you not to call me that,” halata ang iritasyon sa boses na sita n’ya sa akin at nauna nang maglakad palabas ng Villa. Naghihintay na sa amin ang tricycle na s’yang sasakyan papunta sa venue ng seminar dahil hindi naman ‘yon kalayuan at ayon kay Miles ka
