Nagising na lang ako sa ingay na nag mula sa labas na tila nag babangayan.
Tumayo ako sa pagkakahiga ko sa kama at naramdaman ko agad ang lamig ng sahig nang dumapo ang mga paa ko rito. Isinuot ko ang tsinelas ko at pinihit ko ang door knob.
Lumabas ako sa kuwarto at hinanap ko kung saan nag mula ang ingay na 'yon, at naabutan ko si Arthur at Thalia na seryosong nag uusap at lumuluha silang pareho. Pinapakalma ni Thalia si Arthur dahil sa lakas ng hikbi nito.
Dahil sa kuryosidad ay dahan-dahan akong lumapit sa kanila. “Ano'ng nangyari sa inyo?” takang tanong ko sa dalawa.
Tumingin naman sa akin si Thalia at mabilis din inilipat kay Arthur ang paningin niya. Nakayuko si Arthur kaya naman bahagya niyang iniangat ang kaniyang ulo, kitang kita ko ang pamumula ng kaniyang mga mata dahil
