“BAKIT kasama mo ang babaeng `yon?” magaspang na tanong ni Jeff Mitchel kay Cecilio pagpasok niya sa silid ng pinsan. Kadarating lamang nito mula sa paghahatid kay Luisita sa bahay ng dalaga.
Nagsalubong agad ang mga kilay ni Cecilio habang nakatingin sa kanya. “Bakit ganyan ang tono mo, Mitch?” tanong nito imbes na sagutin ang kanyang tanong.
“Just answer me,” naiiritang sabi niya. Hindi niya maintindihan kung bakit kailangan nitong imbitahin sa villa ang isang babaeng galing sa nakaraan. Villa Cattleya was a sacred place for their family. Hindi sila basta-basta nag-iimbita ng ibang tao upang magbakasyon doon.
Alam ni Jeff Mitchel na napakaganda ng lugar nila at hindi dapat na ipagdamot sa iba, ngunit pribado iyon. Hindi iyon resort o tourist spot. It was a private place for their fami
