Chapter Thirty-nine
Pareho kaming nakahiga, bukas pa ang pinto ng tent kaya tanaw mula sa kinahihigaan namin ang kalangitan na napakaraming binuin.
"Thanks, Saint," bulong ko sa lalaki.
"Para saan?"
"Pina-experience mo sa akin ito. Ang saya-saya ko talaga."
"Marami ka pang pwedeng ma-experience, Cecilia. Hindi ako perpektong tao pero bilang asawa mo ay ipararanas ko sa 'yo ang mga bagay na hindi mo naranasan noon."
"Hoy! Baka nai-in love ka na sa akin," pabirong ani ko rito sabay dantay ng hita sa tiyan nito.
"No, Cecilia."
"Good. Baka lang kasi nakakalimot ka. Bawal tayong ma-in love sa isa't isa 'di ba?" tinitigan ko itong mabuti para basahin ang expression ng mukha nito.
"Yes. Bawal tayong ma-in love sa isa't isa. Pero pwede tayong maging magkakampi laban sa malupit na mundo,"
