Napasapo si Sugar sa kanyang bibig dahil sa gulat nang makita si Alex. Akmang lalapitan niya ito ngunit dali-daling lumapit si Alex kay Alwin at sinuntok ito ng malakas.
Napasigaw si Sugar at sinubukan na awatin ang dalawa ngunit hindi nagpa-awat si Alex at muling binugbog si Alwin.
"Hayop ka!" isang suntok pa ang ginawad niya kay Alwin kaya tumilapon ito. Agad din na pumutok ang labi nito dahil sa lakas ng suntok ni Alex sa kaniya.
"Alex! tama na!" sigaw pa ni Sugar kay Alex pagkatapos ay pumagitna.
Dahil sa nangyayaring kumusyon sa labas ay napalabas na rin ang mga tao sa bahay. Ang Mama niya maski si Candy at sila manang. Pati ang mga kapitbahay ay nabulabog at agad na nakiosyoso sa nangyayaring gulo.
"Tama na, tama na iyan!" sigaw pa ni Sugar kaya tumigil si
