Tatlong oras nang hindi mapakali si Sylvana simula nang tinawagan siya ng kakambal para sabihing pupuntahan nito si Daniela sa Baler, Aurora. Kung magbibiyahe by land ay mahigit walong oras na biyahe ito simula sa Cavannah Valley kaya’t kinailangang hiramin ang helicopter nina Dominic at Summer para mas mabilis na makarating si Terrence at mapuntahan si Daniela sa ospital. Ang bilin niya ay tumawag kaagad si Terrence kapag pabalik na sila ng Cavannah Valley ngunit hanggang sa mga oras na iyon ay wala pa rin siyang balita.
Nasa Rancho De Los Guapos silang lahat dahil noong araw na iyon din dumating si Luis mula sa Singapore. Paglapag ng eroplanong sinakyan ni Luis noong madaling araw ay ang helicopter din na ito ang ginamit para ilipad mula sa Ninoy Aquino International Airport sa Pasa
