NANG araw ding iyon ay nagkaroon ng kaunting salu-salo ang pamilya bilang pagsalubong kay Dylan. Mainit naman ang pagtanggap sa kaniya ng mga taga-baryo. He was thankful and he felt special. Bukod sa magagalang ang mga Taga-Baas, mababait rin ang mga ito.
Pasado ala Dyes na ng gabi. Nakaalis na ang mga bisita. Nakauwi na rin ang mag-inang Remedios at Lily.
“Nakita mo ba ang mga mukha ng kapit-bahay namin kanina? Hindi na maalis-alis ang mga mata sayo! Kuh, nagpakamalan ka yatang artista, anak! Kulang na lang magpa-autograph!” natatawang lintanya ng ama ni Danica. Nag-aya itong makipag-inuman sa kaniya nang mapag-isa sila.
“A-anong klaseng alak po ‘to?” bingit ang mukhang tanong niya sa biyanang lalaki nang matikman ang alak.
Natawa ito. “Bahalena ang tawag sa alak na ‘yan. Inom pa, ma
