IRENE
“Oh, kain lang kayo ng kain diyan ah, magpaka busog kayo.” Abala si Mama sa pag-eentertain ng mga bisita niya ngayon. Sa tuwing umuuwi kasi ako ng bahay namin ay nagpapakain siya sa mga kapit-bahay na animo’y may birthday.
Nandito ngayon lahat ng mga malapit naming kapit-bahay. Mula kay Aling Betchay na may-ari ng tindahan sa labas, hanggang sa mga ka tsimisan ni Mama sa kanto na sina Aling Linda, Aling Chuling at Aling Kulor.
Marami ring mga bata na animo’y nasa isang birthday party na kumakain ng spaghetti.
“Lourdes, napaka swerte mo naman sa anak mo. Akalakin mo iyon nakapag-asawa ng sikat na artista.” Punong-puno pa ng spaghetti ang bibig ni Aling Kulor habang sinasabi iyon.
“Bakit hindi ka humiling ng bagong bahay sa manugang mo. Balita ko sobrang yaman din ng pamilya n’on!
