Nang bumagsak ang motorbike sa buhanginan ay madali kong tiningala ang talampas, mula roon ay dinungaw ako ni Brayden. Habol-habol nito ang hininga. Pinagsamang galit at pag-aalala ang nasilayan ko sa kulay asul niyang mga mata.
"Fvck!" mariing pagmumura niya at hindi na malaman ang gagawin.
Tumawa ako para ibsan ang tensyong nararamdaman. Well, natakot din ako sa ginawa kong iyon. Good thing, mabilis kong naibalanse ang sarili kahit pa malambot ang buhangin dito sa dalampasigan, kaya nananatiling nakatayo pa rin ang motorbike.
At kung masesemplang man din ako ay alam kong hindi naman ganoon kasama ang magiging bagsak ko sa buhangin. Iyon nga lang ay panibagong sugat na naman ang matatamo ko, panibagong sermon din galing kay Brayden.
Pinatay ko na ang engine ng mountain motorbike. Nang
