Sa gulat nila sa presensya ko ay mabilis pang naitapon ni Pedro ang kaniyang sigarilyo at saka niya pa iyon inapak-apakan. Humarap siyang nakangiti sa banda ko, tila ba nahihiya sa naabutan ko.
"Good evening din, Ma'am," malugod niyang pagbati, ngumiti naman ako pabalik.
Mayamaya nang maramdaman ko ang pagpulupot ng kamay ni Brayden sa manipis kong baywang. Bahagya niya akong hinila upang mas mailapit sa kaniya dahilan para tingalain ko ito.
Isang beses niya akong dinungaw, kasunod nang pag-akyat ng kamay niya sa balikat ko para akbayan ako. Tipid niya akong nginitian bago niya muling hinarap ang mga tauhan nito. Napakurap-kurap ako.
"Pakawalan niyo na ako!" malakas na sigaw ng isang boses na naging mitsa para sabay-sabay naming malingunan ang pinanggalingan nito.
Nabitak sa dalawa an
