Nagising ako kinabukasan na halos tirik na ang araw sa labas. Kumunot ang noo ko, kalaunan ay natawa rin sa sarili dahil totoong napasarap ang tulog ko. Hindi ko alam kung puyat lang ba talaga ako kagabi o literal na pagod.
Kung ano ring ikinaganda ng gising ko sa umagang ito ay siyang ikinasakit ng katawan ko. Hirap akong bumangon, paika-ika pa akong naglakad papunta sa banyo para makapaghilamos ng mukha.
Wala pa sa sarili nang mapatitig ako sa sariling reflection mula sa salamin nang umahon ako. Ewan kung ako lang ba o talagang may kakaiba sa akin ngayon. Fresh naman ako palagi, pero parang naging doble iyong pagka-blooming ko ngayon.
Partida at hindi pa ako naliligo nito. Wait, epekto ba ito ng nangyari kagabi? Saglit kong inalala ang huling ganap namin, pagkatapos akong dalhin dito
