Charice’s POV
“Saan ka nanggaling? Kanina pa kita hinahanap?” nag-aalalang tanong ni Hunter. Inirapan ko siya. Hindi ko lang talaga mapigilan na irapan siya dahil sa sobrang sama ng loob ko pagkatapos ng nalaman ko.
“Let’s talk later after the party,” malamig kong tugon at lumakad na palayo sa kaniya. Ngunit mabilis lang siyang humabol sa akin.
“Wait! Are you okay? Saka bakit parang nabura yata ang makeup sa gilid ng mga mata mo?” tanong pa niya. Gustong-gusto ko siyang pagsisigawan at sumbatan dahil napaplastikan ako sa kaniya.
Akala mo totoong nag-aalala pero peke naman pala ang lahat dahil mayroon naman na siyang totoong minamahal. Ano ba ang habol niya sa akin? Pera? Eh, ‘di ba, sila pa nga ang tumutulong ngayon kay Daddy para maayos ang gusot na kinasasangkutan nito? Nakakairita!
