Chapter 52
Bumaba ako para kumuha nang maligamgam na tubig at towel. Medyo natataranta pa ako dahil hindi ko matandaan kung ano ang dapat na sunod na gagawin. Tulog na lahat ng kasambahay kaya nakakahiya naman kung gigisingin ko sila.
Dinatnan ko sa kusina si Neji habang may kausap sa cellphone. Hindi na rin sana ako tutuloy pero mukhang hindi niya ako napansin.
"Nah, It's not a big deal," aniya sa kabilang linya.
Kumuha ako ng bimpo dahil may nakatabi na sa counter, nakatupi iyon nang maayos. Nilagyan ko ang maliit na planggana ng maligamgam na tubig habang paulit-ulit na sinusulyapan si Neji na mukhang hindi pa rin ako matunugan dahil sa sobrang tutok nito sa kausap.
"Actually I am not that sleepy…" Pero nakita ko siyang humikab at sinuklay ang medyo mahabang buhok gamit ang mga dal
