Chapter 30
Anong gagawin mo kung hindi mo na kayang sarilihin ang mga hinanakit, tanong, at pangamba sa sarili mo? Siguro kapag tinanong ka kung ayos ka lang ba ay kusa kang hihikbi at magsisimulang magkwento tungkol sa mga bagay na iyong pinagdadaanan. O di kaya ay nais mong mapag-isa, pumunta sa isang lugar kung saan malaya kang makakasigaw at makapagwala.
Agad kong pinunasan ang mga luhang tumulo sa aking pisnge. Hindi ko na naman namamalayan na umiiyak na naman ako habang nakatulala. Mabuti na lang at weekdays ngayon. Kaya kahit ako ang magluluto ay si Kasei ang pinagluto ko. Hindi ako makausap ng matino.
Magmula noong nalaman ko na dalawang taon pa ang itatagal ko dito'y pinanghinaan ako ng loob. Ni hindi ko rin matingnan ang sarili ko sa salamin dahil sa nalaman ko. Hindi ko man
