“Nandito rin ako,” patudyong sabi niya.
Bigla akong nahiya at mabilis na binitiwan ang kamay ni Ashton.
“Ah, sorry…”
“Grabe kayo,” dagdag ni Millerd. “Akala ko ba recovery room ‘to? Bakit parang teleserye reunion lang?”
“Manahimik ka nga,” paos na asik ni Ashton sa kakambal. “Bakit ka kasi nandito? Lumabas ka na. Si Aviona lang ang kailangan ko rito.”
Ngumiti si Millerd, tapos tumingin sa akin.
“So…” tuloy ang panunukso niyang sabi. “Girlfriend ka ba ng kapatid ko?”
“Ano?!” sabay naming sagot ni Ashton.
Napapikit ako sa hiya. “Hindi!”
“Wow,” kunwari’y nasaktan si Ashton. “Ang bilis mo namang mag-deny.”
“Eh, totoo naman!” sagot ko agad.
Tumawa siya nang mahina, pero napangiwi ulit. “Aray… huwag mo akong patawanin.”
“Hindi ko pa siya girlfriend,” sabi niya kay Millerd, may halon
