DALAWANG TAON ang lumipas at medyo naghilom na rin ang sakit nang pagkawala ni Paul sa buhay ni Zionne. Matapos mailibing ni Paul ay nagawa niyang ipamahala sa kaniyang magulang ang naitayo nilang maliit na karinderia at sa edad na bente dos ay sinubukan niya muling makipagsapalaran sa Maynila upang mabilis na makalimot sa nangyari at para magkaroon ng dagdag na kita. Nang may dumating na oportunidad bilang isang business manager sa isang seafood restaurant na angkop sa tinapos niyang kurso ay tinanggap niya iyon. Kaya naman nakakilala siya ng mga bagong kaibigan. Sa edad na bente kwatro ay wala pa ulit siyang nagiging kasintahan kahit pa may ilang sumubok na manligaw sa kaniya.
Sina Jennie at Wena ay naging matatag ang relasyon at kasalukuyan pa ring nagtatrabaho bilang sales clerk sa de
