NABALITAAN NI Paul kina Wena at Jennie ang pagluwas ni Zionne ng Maynila kasama ang magulang nito. Kung kaya't hindi niya maiwasang magtampo sa kasintahan, dahil sa hindi nito pagsabi sa kaniya.
"Bakit naman ganoon si Zionne? Nakakainis naman ang babaeng 'yon, alam niya naman na excited akong makita siya pagpunta niya rito sa Maynila, e," nakangusong saad ni Paul habang naghihintay na lamang silang matapos ang oras ng kanilang break time.
Pasimpleng napahakipkip si Wena at sinabing, "Hayaan mo na, magkikita at magkikita pa rin naman kayo kahit anong mangyari, e."
"Pero matagal pa 'yon, Wena," katwiran niya rito.
"Ano ka ba, ang tunay na nagmamahal, marunong maghintay!" sabi naman ni Jennie para kahit papaano'y pampalubag loob nito sa kaniya. Doo'y tinapik-tapik pa siya ng dalawa sa ba
