"HOWARD, sa amin ka na manghalian, ah," sabi iyon ni Aleng Zenaida na ikinagulat ni Zionne. Tuwing tanghalian talaga ay umuuwi muna si Aleng Zenaida para mananghalian. Pero hindi akalain ni Zionne na matapos malaman nito ang totoo ay tila nagbago ang ihip ng hangin at malaya na nitong pinatutuloy sa kanilang bahay si Howard.
"Sige po, nay, kaya nga po ako bumili sa inyo ng isda at gulay ay balak ko na po sanang doon sa inyo ipaluto," magalang na sagot ni Howard. Pero agad siyang pinuna ni Zionne.
Kaya pasimple siyang bumulong dito, "Ano bang ginagawa mo? Saka bakit tinatawag mo si nanay ng "nay"? Pero sa halip na sagutin siya nito ay tanging pagkindat lang ang naging sagot nito dahilan para mapanguso lang si Zionne sa kawalan.
"Sige, magliligpit lang ako, tutal naman ay maagang naubos a
