Chantria
Pagdating namin sa gym ay may karamihan ang mga tao. Ayon sa kaniya ay marami talagang pumupunta rito kapag hapon. Sa umaga naman ay iilan lang. Tutal ay alas dyes ang klase namin, sinabihan ko siyang ayos lang sa ‘kin kung sa umaga na lang kami.
Mas ayos na rin ‘yon dahil hindi ko kayang gabihin dito. I’d rather wake up early than sleep late.
“Mag-stretch ka muna ng katawan,” ani Iwatani. “Pagkatapos ay saka ka mag-lift ng magaang weights. Kailangan muna nating i-warm up ang katawan mo. Kailan ka huling nagbuhat?”
Hindi ko alam kung paano niya nalamang nagbubuhat ako pero hindi ko na tinanong. “Three or four months ago?” patanong na sagot ko.
“Really?”
“Yeah, I know. Matagal-tagal na rin dahil tumigil ako. I thought it won’t be useful anymore.” Umirap na lang ako dahil alam
