“1238 Maligaya St.sa abandonang bodega eksaktong alas dose ng gabi, huwag na huwag kang magkakamaling sabihin sa mga pulis ang location kung ‘di hindi mo na makikita ang anak mo at asawa mo.Huwag mo ring kakalimutan ang sampung milyon.”
Asawa? Si Samantha ba ang tinutukoy niya? Hindi ko asawa si Samantha. Napailing ako.
“May nag-text na ba? Ano raw sabi?” tanong sa akin ng aking asawa. Napangiti ako nang makitang karga-karga niya si Zaccheus. Agad naman itong nagpupumiglas sa kaniyang ina dahil gusto niyang magpakarga sa akin.
“Daddy!” tawag nito sa akin kaya agad ko siyang kinuha kay Michelle at ako naman ang nagkarga.
“Daddy’s boy,” saad ni Michelle sa akin. Napatawa ako sa kaniya.
“Mayro’n na, nag-send na ito ng location kung saan at oras kung kailan ako pupunta,” wika ko sa ka
