Nang makarating kami sa bahay ay agad akong bumaba sa kotse ni Lucas. Kinakabahan ako baka makita kami ni Zach.
"Ah, eh. Salamat, Lucas." Hindi ako mapakaling sa kinatatayuan ko.
"Hm. May problema ba? Ba't parang hindi ka mapakali?" Nagtatakang tanong niya.
"Wa-wala, natatakot kasi akong makita ka ng aking asawa, baka magselos 'yon." Pilit na ngiti ko sa kaniya.
"Oo nga pala, bakit hindi mo kasama ang asawa mo? Ni hindi man lang nag-alala sa'yo dahil hindi ka nakauwi kagabi. Nasaan siya?" tanong niya ulit sa akin. Kinakabahan akong tiningnan siya.
"Kararating lang kasi niya galing sa Cavite, may ginawa siyang project doon kaya hindi nakasama."
Tinulak-tulak ko naman siya papuntang kotse. "Sige na, Bye Lucas! See you when I see you."
Pumasok naman agad ito sa kotse at napabunt
