Napalingon kami sa pinto ng kwarto ni Mom nang bumukas iyon. Napatayo ako nang makita si Harvey kasama ni Manang. Agad akong lumapit dito at yumakap. Alam kong na-miss niya rin ako kahit hindi niya sabihin dahil gumanti rin ito nang mahigpit na yakap. Nagbibinata na s'ya at tumangkad pa. Hindi ko napigilan ang pag-agos ng luha ko sa balikat niya.
Si manang naman ang lumapit sa akin at sinalubong ako nito ng mahigpit na yakap. "Na-miss kita, Hija. Ang ganda mo lalo. Dalagang-dalaga ka na," malumanay na sabi nito habang maluha-luhang hinahaplos ang magkabilang pisngi ko para punasan ang luha ko.
"Na-miss ko din po kayo."
Ipinakilala ko sa kanila sina Brian at Ivy.
"Manang, ano pong nangyari?" Maya maya ay tanong ko rito.
"Hindi ko rin alam, Hija. Tumawag na lang sa amin ang hospital par
