Kinabukasan maaga pa lang nagbyahe na kami patungo sa Farm nila Alfred. Inalalayan akong bumaba ni Lance sa sasakyan at sinalubong kami nina Ninong at Ninang pati na rin si Alfred.
Hindi ko pa rin alam kung anong meron pero ang sabi ni Daddy magbabakasyon lang daw bago kami bumalik ni Lance sa Santa Felina. Nang malaman tuloy ni Brian bigla na lang itong sumulpot sa bahay para sumama.
"Congratulations, inaanak! I'm so happy for you," malawak ang ngiting bati ni Ninang Carol at niyakap ako sabay haplos sa wala pang umbok ko na tiyan.
Binati rin ako ni Ninong at tinapik sa balikat si Lance. Si Alfred naman nakakapagtakang tinanguan si Lance. Parang unti-unting gumagaan ang pakiramdam ko at nababawasan ang bigat sa dibdib ko.
Kaming mga babae kasama si Brian naging abala sa kusina at pagh
