MATAPOS ang pag-uusap nila ni Zayden, kinabukasan ay hindi na naka-lock pa ang pinto ng bedroom niya at hinayaan na siyang makalabas ng kuwarto—hindi dahil binawi na ni Theron ang desisyon nito sa kaniya, kundi sa tulong na mismo ni Thrynn—pinalabas na siya nito at hindi na nakaangal pa si Theron, dahil pati si Draven ay nagalit din kay Theron nang malaman nitong ipinag-lock pala siya ng pinto.
Kahit papaano ay gumaan naman ang pakiramdam niya dahil sa pag-uusap nila ni Zayden—sa sinabi nitong kakausapin na si Thaddeus para magkaayos na lahat.
Umaasa siyang magkakaayos na at maybe babalik na sa dati ang lahat.
Kaya naman kinabukasan ay sabay silang nag-breakfast, pero nakakabinging katahimikan naman ang namayani sa kanilang lahat. Hindi na sila kompleto pa katulad dati, dahil nga wala n
