Kahit na masama ang pakiramdam ko dahil sa mga nangyari ay pinilit kong tumungo sa City Hall para makita si Lucky. Sasabihin ko sa kanya ang lahat lalo na at parang hindi naniniwala sa akin si Ben. Hindi ko inaasahan na makasalubong ko pa si Tita Laurice kasama ni Maureen sa entrance. Nang makita ako ni Maureen ay nawala ang mga ngiti sa kanyang labi. Paano niya pa nakuhang ngumiti sa nangyari sa Mommy niya? Kung nauuto niya ang lahat sa pagka inosente ng kanyang mukha ako hindi. Alam ko kung ano ang nangyari noong gabing iyon. Hindi ako nag du-drugs para mag hallucinate ng mga bagay bagay.
"Ellie, kamusta kana hija? Siguro nabalitaan mo na ang nangyari kay Violet? I am so sad for her, kung natawagan ko lang sana siya noong gabing iyon baka naligtas ko siya!" Malungkot na sabi ni Tita Lau
