Paihim ko silang sinusundan sa kanilang likuran. Hindi ko pa rin masiguro kung si Jayden nga ba ang kasama niya. Nakakapagtaka lang iba iyung suot na damit ng lalakeng kasama ni Andy sa suot ni Jayden.
Papalabas na sila ng mall hanggang sa makarting na kami sa parking lot. Nagtago ako sa isang sasakyan. Agad akong umupo ng biglang lumingon dito si Andy. Dahan-dahan akong lumingon sa kanilang direksyon at sa aking paglingon ay aking ikinagulat kung sino ang nakita ko.
"Clark?" mahina kong sambit habang hindi makapaniwala sa aking nakikita. Bakit sila ang magkasama? Naguguluhan ang isip ko.
Lumabas na ako sa aking pinagtataguan ng tuluyan na silang nakaalis. Nakatingin ako sa malayo habang hindi ko mawari kung bakit...
Napailing-iling ako. Siguro naman may dahilan kung sila magkasama?
