"Anak, bumangon ka na! Mahuhuli na tayo sa pupuntahan natin!"
Rinig kong sigaw ni Mommy mula sa pintuan. Bumangon naman ako mula sa aking kama at naglakad papunta sa pintuan. Pinagbuksan ko ng pinto si Mommy at nginitian siya.
"Oh, mukhang ang ganda yata ng gising mo ha. Huluan ko naging maganda ang panaginip mo kaya ganiyan ka makangiti sa akin," sabi niya. Kaysa sa sagutin siya ay niyakap ko na lamang siya.
"May problema ba, anak. Hindi pa rin ba maganda ang pakiramdam mo?" tanong niya. Humiwalay ako sa kaniya at tiningnan siya sa kaniyang mga mata.
"Masaya lang po ako dahil nandito kayo para alagaan kami ng baby ko," sabi ko sa kaniya. Hinawakan niya ako sa king pisngi at niyakap muli.
"Lagi mong tatandaan na lagi kaming nasa tabi mo para alagaan kayo. Hindi naman kami papayag ng
