"Jayden, ang akala ko ba iuuwi mo na ako?" tanong ko sa kaniya nang mapansin kong hindi ito ang daan papauwi sa amin. Ito ang daan papunta kung saan kami tumira ni Jayden. Balak ba niyang doon ako ipunta? Hindi ba nakausap na siya ni Mommy? Alam kong nasabi na ni Mommy ang tungkol sa kasal na ipapawalang bisa pero anong ginagawa niya?
"Yeah, we will go home to our own house," giit niya habang hindi man lang tumingin sa akin.
"Ano?! Jayden pero—"
"Tsaka na lang tayo mag-usap kapag nakauwi na tayo," seryoso niyang sabi.
Napatingin naman ako sa bintana at hindi na umimik pa. Ano pa bang magagawa ko? Eh mukha namang seryoso siya sa kaniyang sinabi at kahit na anong gawin o sabihin ko ay alam kong hindi niya ako pakikinggan. Kahit na anong gawin kong iwas sa kaniya ay hindi talaga ako pinag
