ILANG beses na napahugot nang malalim na hininga si Arabella habang nakasakay siya sa bridal's car patungo sa Santo Domingo Church. Iyon ang simbahan na napili nila ni Jared para sa kanilang kasal. A year after na magkaayos sila ng lalaki ay niyaya na nga siya nitong magpakasal.
"Tita, puwede bang tawagan ninyo ulit ang mama ni Jared?" aniya kay Tita Carlota. "Just ask them kung nasaan na si Jared. Nakarating na ba siya sa simbahan?"
Nangungunsume na napaikot ni Tita Carlota ang mga mata. "Por Dios y por santo naman, Arabella! Tatlong beses na akong tumawag sa kanila `di ba? Aba'y baka mabuwisit na sa atin ang mga magulang ni Jared."
Nakagat niya ang ibabang labi. Grabe ang kaba na nararamdaman niya. Alam niya sa sarili na hindi naman siya iiwan ni Jared sa ere, pero kung bakit hindi ma
