KATABI ko ngayon si Tatay sa upuan habang sinusuri ko ang itsura ng hinihinalang suspek sa pang hoholdap sa kawawang estranghero na iniligtas ko. Pagkagaling ko sa university ay naroon na sa gate si Inspector kasama si Tatay. Ilang oras din nila akong inabangan roon. Sinundo nila ako at dumeretso na rito sa presinto.
Nasa loob ng isang kwarto ang hinihinalang suspek. Kulay puti ang pintura niyon. Mistula iyong isang kahon. Maliit at pakiramdam ko'y mahihirapan akong makahinga roon. Nakaupo sa upuan habang may posas ang kamay. Ang sabi ni inspector, kaming nasa labas lang ang nakakakita dito, dahil nahaharangan ng tinted na salamin ang kwarto. Maraming CCTV ang nakakabit sa apat na sulok ng kwarto. May speaker din para maaaring marinig ng nasa loob ang magsasalita mula sa labas.
Bagaman
