"'Wag mo nga kaming tingnan nang ganyan." Tumigil si Stephen sa pag-ubos ng ice cream niya at tinignan si Lory.
Nandito kami ngayon sa isang fastfood na malapit lang sa pinagganapan ng event. Hindi nila sana kami mahuhuli kung hindi lang mabagal kumilos 'tong si Stephen.
Masama tuloy ngayon ang loob ni Lory. Kanina niya pa kami inuusisang dalawa kahit abala siya sa pagpapakain kay Angel. Buhat niya ang anak namin, katapat niya si Stephen sa pwesto at ako naman kay Gab.
"Sure akong sinusundan niyo kami."
"Ang kulit nito." Tinuro siya ni Stephen. "Sinusundan daw natin sila." Sabay harap niya sa akin habang kunyaring nakatawa.
Kilala ko si Lory kaya alam kong galit na galit na siya ngayon. Idagdag niyo pa ang sinabi niya sa akin na 'wag na kong magpapakita kahit kailan. Hindi ko 'yon kay
