TAHIMIK lang na sinusundan ni Renz si Gelli. Hindi niya mawari kung anong nararamdaman niya. Pakiramdam niya ay may hindi magandang mangyayari dahil walang tigil sa pagtibok nang mabilis ang puso niya.
Ito kasi ang unang beses na nagsinungaling si Gelli sa kanya, at alam niyang may mali doon.
Nakita ni Renz na dumiretso si Gelli sa may upper ground mall ng Building A kaya sumunod siya. Hanggang ngayon ay hindi pa rin ata namamalayan ng dalaga na may nakasunod sa kanya. Tiyak niyang diretso ang punta nito sa National Book Store dahil ito naman lagi ang pinupuntahan nito dahil sa hilig nito sa pocketbooks pati na sa mga Arcades.
Ang pinagtataka ni Renz ay bakit pa nito kailangang magsinungaling sa kanya kung sa NBS lang ito pupunta.
Nasa di kalayuan lang siya't nakamasid kay Gelli kung a
