ANDREA
Walang reklamo kong nilunok ang lahat ng emosyon na maaring makapagpabago ng desisyon ko. Inalis ko ang ligalig, pangamba at mga agam agam.
Nang mga sandaling iyon, siniksik ko sa utak ko ang kalagayan ng anak ko. Hindi na mahalaga ngayon ang iisipin at sasabihin pa ni Akrim sa akin.
Tanging si Angel lamang ang nasa isip ko nang panahon na iyon. Ang kapakanan niya, at buhay niya. Yun lang ang tanging importante ngayon sa akin.
“Sigurado ka ba sa desisyon mo, hija? wala na ba talagang iba pang paraan? Nakakakaba at nakakatakot yang pinapasok mo. Yung dating boss mo kaya, baka puwede natin puntahan at pakiusapan? Sasama ako, kahit ako pa mismo ay magmamakaawa rin sa kaniya,” naiiyak sa pag-aalala si Aling Nora.
“Si Sir Klient?” Wala sa sariling sambit ko sa pangalan niya. Nak
