Hindi akalain ni Ford na magagawa niyang ma- enjoy ang araw na iyon kasama si Regina. Palagi siyang nagpupunta sa resort na iyon upang bisitahin ito ngunit ni minsan kapag naliligo siya doon, hindi siya masyadong nag- e- enjoy. Naging masaya lang siya noong nakasama niya ang kaniyang ex na maligo sa dagat na iyon. At nang maghiwalay sila, hindi na siya muling nakaligo pa. Ngayon na lang ulit na kasama niya si Regina.
"Ang galing mo pa lang lumangoy? Para kang isda," sambit ni Regina nang umahon sila sa tubig. Umupo sila sa buhanginan.
"Isda talaga?"
"Oo. Ano ba ang gusto mo? Shokoy?"
Malakas na tumawa si Ford. "Baliw. Ewan ko sa iyo. Umaandar na naman iyang pagiging malakas tama mo. Baka humihithit ka rin ng droga kaya ganiyan ka, ha."
Nanlaki ang mata ni Regina. "Hoy! Hindi ako adik,
