NANLUMO si Tori nang mapagtantong wala si Bernard sa kusina. Nag-assume na naman siya na naroon ang lalaking minamahal pa rin niya, kaya ang ending, doble ang sakit na kaniyang naramdaman dahil sa pagkadismaya.
Gusto niyang umiyak ngunit pinigilan niya ang sarili niya lalo at papalapit na sa kaniya si Lolo Abel. Lumunok siya dahil pakiramdam niya ay nananakit ang lalamunan niya sa pagpipigil ng igik at saka nagpasyang salubungin ang matanda ng may ngiti sa labi niya.
“Binabati kita, apo,” bati ng matandang lalaki sa kaniya.
“Mabuti po at nakarating kayo,” aniya at saka nagmano rito. Parang hindi tumanda ang matanda habang pinagmamasdan niyang ito bagama't ang huling kita niya rito ay dalawang taon na ang nakararaan doon sa hotel kung saan sila nakatakda sanang ikasal ni Bernard. Iwin
