NAGISING si Tori mula sa sunod-sunod na pagpupog ni Bernard ng halik sa kaniya at nang magmulat siya ay ang nakangiting imahe nito ang nagisnan niya. Magkatabi pa rin sila sa kama at magkatapat ang mga mukha nila habang banayad nitong hinahaplos ang buhok niya.
“Rise and shine, mahal ko,” bati nito kaagad sa kaniya. Bakas sa hitsura nito ang saya na hindi niya alam kung paano nagagawa ng lalaki.
Bahagyang kumunot ang noo niya at pinakatitigan ang binata. Tila ba may gusto siyang arukin sa kaluluwa nito na hindi kayang makita ng naked eye niya. She wanted to give him a sarcastic laugh and applause but she held it and instead heaved a deep sigh. Sadya ba talaga itong magaling magsinungaling o talagang determinado lang talaga ito sa gagawin kaya napakagaling magbalat-kayo? Walang panama an
