“THANKS,” mahinang sambit ni Tori nang ibigay ni Bernard ang mug ng kape sa kaniya.
Bahagya niya lang sinulyapan ang binata nang umupo ito sa sahig katabi niya at saka niya ibinalik ang tingin sa labas. Iniyakap niya ang mga kamay niya sa mainit-init na mug tulad ng nakagawian na niya ngunit tila ba iyon nagdulot ng kakaibang pag-iinit sa katawan niya lalo nan ang maramdaman niya ang bahagyang pagdikit ng gilid ng braso ni Bernard sa braso niya. Awtomatiko siyang napahugot nang malalim na hininga at napalunok ng laway bago wala sa loob na umurong palayo rito.
Humigop ito ng kape bago bumuntong-hininga at nagsalita.
“Do you still want to pursue my brother?” seryosong tanong nito sa kaniya habang ang paningin ay nakatutok sa kadiliman ng dagat.
Magkasalubong ang mga kilay na bumaling si
