MAIKUKUMPARA sa isang nauupos na kandila ang hitsura ni Allie nang datnan ni Bernarddahil marahil sa kakaiyak. Kasalukuyan itong pinakakalma ng isang nurse at isang doktor na naroroon na pihadong siyang nakausap niya habang nasa sasakyan siya kanina. Nag-hysterical na kasi si Allie kaya hindi na niya nakausap nang maayos.
“Allie!” tawag niya rito nang ganap na siyang makapasok sa loob ng silid at makalapit sa may kama nito. Hindi siya nito kaagad napansin dahil maging ang matandang babaeng bantay yata ng katabing-kama nito ay tumulong na sa pagpapakalma sa kaniya. Yumakap kaagad ito sa baywang niya at nag-iiyak paglapit niya rito.
“Gusto niyang lumabas. Hindi pa naman pupuwede at naka-bedrest siya dahil sa kalagayan niya,” paliwanag kaagad ng doktor.
“Bedrest? Akala ko, eh, okay na siya
