“KINGKONG?” pabulong na tawag ni Tori kay Bernard. Nasa kabilang bahagi ito ng queen size bed na hinihigaan nila habang napapagitnaan sila ng dalawang malalaking unan.
Pinakiramdaman niya ang binata nang hindi ito kaagad sumagot, ngunit ni hindi man lang ito gumagalaw. Halos hating-gabi na at hindi taaga siya makatulog. Marahan siyang bumangon at saka sinilip si Bernard na nakatalikod sa kaniya. Mula sa liwanag na nanggagaling sa veranda ay kita niya ang namumutok na muscles ni Bernard sa braso. At dahil ang kumot nito ay mula sa baywang pababa sa paa nito, aninang niya ang matigas at maskuladong likod nito.
‘Oh, that back!’ aniya sa sarili nang maalala kung paano siya humilig doon sa pag-aakalang si Harold iyon. Siyang si tanga, ni hindi man lang niya napansin na masyadong malapad ang
