SIENNA'S POV
Kinaumagahan, naglalakad ako papunta sa sala nila Tito Ed nang marinig ko silang nag-uusap tungkol sa nangyari kahapon sa kusina.
Natigil ako at nakinig sa usapan nila.
"Ma'am, hindi naman po sa nagrereklamo kami kung gagamit sila ng kitchen. Ang gusto lang namin ay malinis ang kusina. Matanda na ho si Nanay Daisy para maglinis ng kalat nila," paliwanag ni Kiray kay Tita Teen.
Naikuyom ko ang kamao ko at gigil na naitikom ko ang bibig.
"Bakit? Anong gusto niyong gawin ko?" Seryosong tanong ni Tita Teeny.
"Gusto ko pong pagsabihan niyo ang mga tauhan ni Miss Innah na magsabi muna sila sa amin bago gumawa ng kung anu-ano sa kusina, para wala pong problema," sabat ng matandang katulong.
Hindi na ako nakapagtimpi at pumasok na ako sa loob. Hindi ko magawang makinig na lang
