"Preets, lalabas muna ako para bumili ng pagkain. Kapag may problema click mo 'tong button at may pupunta agad dito na nurse, saglit lang talaga ako." Marahan na hinaplos ko ang buhok ni Preets na hanggang ngayon ay tulala pa rin, hindi naman siya ganito kahapon pero mas lalong lumala ang kalagayan niya ng pumunta dito si Raven at nakaharap ang fiancée niya.
Bago ako lumabas ay nagbalat muna ako ng mansanas at nilagay 'yon sa lamesa niya, upang hindi na siya tumayo pa kung sakali man na makaramdam siya ng gutom. "Alis na ako" paalam ko sakanya, tumango naman siya ng marahan na ikinahinga ko ng maluwag dahil kahit paano'y nagreresponce siya sa mga sinabi ko.
Paglabas ko ng kwarto ay mabilis na tumayo si Kurt at lumapit sa akin, "Kamusta siya?" nag-aalala niyang tanong habang pasimpleng tu
