Ryven's POV
Isang linggo na ang lumipas mula ng umuwi ako dito sa mga magulang ko, hindi ako lumalabas dahil pakiramdam ko ay ibang tao ako sa kanila, wala akong maalala tungkol sa nakaraan namin ng aking mga magulang, tanging mga larawan at videos lamang namin ang paulit ulit kong tinitignan at pinapanuod. Alam ko at nararamdaman ko ang lungkot sa mukha ng aking mga magulang sa tuwing nakikita nila ako, na mas pinipili ko na lamang ang mapag isa kaysa ang makasalamuha sila. Naninibago pa ako at nakakaramdam ng pagkailang sa tuwing tinitignan nila ako.
Lumabas ako ng aking silid at pinuntahan ang aking ina na nasa hardin na namimitas ng mga sari-saring buklaklak, malamang ay ilalagay nyang muli sa kaniyang dining table.
"Mom?!" Tawag ko sa kanya na ikinagulat nya at agad akong niling
