"TEN TO TWELVE AM ANG SCHEDULE ng klase ni Nickos..." wika ni Kael habang swabeng nagmamaniobra ng sasakyan sa harapan ng gate ng paaralang papasukan ni Nickos. "Hindi ko alam kung makakahabol ako ng pagsundo sa inyo. Depende kung ano'ng oras matatapos ang meeting ko. Pagkagaling ko rito, doon na ako dederetso. I'll update you kung masusundo ko kayo para sabay-sabay na tayong kumain ng lunch, then hatid ko kayo pauwi ng bahay, or magpapadala ako ng driver para sumundo sa inyo." Pagtatapos nito.
Nang maayos na itong makapag-park sa gilid ng paaralan ay saka pa lang ito lumingon sa akin.
First day of class ni Nickos at inihatid kami nito sa eskuwelahang papasukan ng anak niya. Seven thirty to nine thirty in the morning talaga ang kinuhang schedule ni Kael para sa pasok ni Nickos, kaya lang
