"MOMMY BETTY! MOMMY BETTY!"
Kunot ang noong nag-angat ako ng tingin mula sa pagluluto ng almusal. Dahil nandito si Nickos, bukod sa pritong itlog, hotdog, ham, bacon at tapa, ay gumawa rin ako ng paborito nitong pancake. Nag-blender ako ng strawberry at inihalo sa mixture upang maging natural flavor niyon.
Hindi na ako nagsangag. Hindi ko talaga matagalan ang paggigisa ng bawang. May nakita rin akong nakababad na daing sa ref, pero hindi ko rin iniluto. Nakita ko kasing marami ring bawang iyon sa ibabaw, baka sumama lang ang pakiramdam ko kapag naamoy ko iyon. Pero nagsaing naman ako. At inabangan ko rin ang rasyon ng pandesal kanina sa labas. Bukod pa sa tasty bread na hindi naman nawawalan dito sa bahay ni Kael.
Mula sa b****a ng dinning room ay bumungad si Nickos na pupungas-pungas p
