"HMMM..."
Iyong pakiramdam na tila may pumipigil sa paggalaw ko ang nagpagising sa akin. Pakiramdam ko ay naiipit ang mga braso at binti ko.
Pikit pa rin ang mga mata na muli kong sinubukang gumalaw. Tinangka kong mag-inat.
Parang nananakit na sa ngawit ang mga kalamnan ko. Pakiramdam ko ay pagod na pagod ang lahat ng muscle ko sa katawan kahit sabihing kagigising ko pa lang.
Nang hindi ko pa rin maigalaw ang buong katawan ko ay kunot ang noo na idinilat ko ang mga mata ko. Lukot na lukot ang buong mukha ko dahil bahagya pa akong nasilaw dahil sa liwanag na bumabalot na ngayon sa buo kong silid.
Ang unang tumambad sa akin ay ang malapad na dibdib ng isang lalaki. Nang bumaba tingin ko sa magkayakap naming mga katawan ay mariin akong napalunok nang mapagtantong kapwa kami walang saplot
