CHAPTER 32
NABIGLA AKO nang maibuga ni Nathalie ‘yung iniinom niyang tsaa matapos kong banggitin sakaniya na natulog si Jadd sa condo ko last week. Hindi siya makapaniwala nang tingnan ako at talagang pinandilatan pa ako ng mata habang nakaawang nang maigi iyong labi niya.
Ako naman ay napakamot sa ulo ko dahil sa reaksiyon niya. Kasi alam kong may mali sa ginawa ko, e! Pero kasi, may mga dahilan naman ako.
“Huwag mo nga akong tingnan ng ganiyan. Parang daig ko pa ang nagnakaw ng kaban ng gobyerno,” reklamo ko tapos umiwas sa tingin niya at umihip sa tsaa ko.
Nandito kami ngayon sa condo niya. Tapos na ako sa trabaho at pauwi na sana nang maisipan kong dumaan sakaniya para magkwento. Hindi ko na kasi talaga alam ang gagawin ko. Simula noong magkausap kami ni Jadd ay min
