LUNA | CINCUENTA Y CUATRO
“LIMANG araw na ang nakaraan mula nang matagpuan ang dalawang bangkay nina Benjamin Berde—ang unang biktima ng L’s case—at Alex Asuncion. Pinaghahanap na ng mga pulis ang suspek sa pagpatay sa dalawang lalaki. Bella Capalad, nag-uulat.”
Pinatay ng babae ang hawak na smartphone saka tumingin sa kasama nitong babae. “Grabe na talaga ang panahon ngayon, ‘no? Napaka-delikado na.”
“Tama ka diyan, sis!” pag-sang-ayon ng kasama. “May sabi-sabi pa ngang hindi ‘yan ang unang pagkakataon na nangyari ang ganyang klase ng pagpatay. Ngayon lang daw na-expose sa publiko ang ginawa ng suspect.”
“Malamang siya rin ‘yong may gawa sa nangyaring pagpatay sa may-ari ng Laketon Academy last year.”
“That’s possible. Laslas din ang naging cause ng pagkamatay ng may-ari no’n, ‘di ba
