LUNA | TREINTA Y OTSO
“MAGANDANG umaga po,” bati ni Luna sa isang babae at lalaki na pinagbuksan niya ng pinto.
Napakislot siya ng bahagya nang maramdaman niya ang braso ni Sebastian sa kanyang bewang. Niluwagan nito ang pagkabukas ng pinto para makakita siya ng mag-asawa, she supposed.
“Magandang umaga po sa inyo!” masiglang bati ni Sebastian sa dalawa. “Pasok po kayo.”
Umiling ang babae. “Hindi na kailangan. Gusto lang sana namin masigurado na maayos at komportable kayo rito sa bahay na inuupahan ninyo,” pagtanggi ng babae sa paunlak ng kanyang asawa. “Nabanggit kasi ni Aling Biniang na may umupa na sa bahay na ‘to.”
Inabot ng lalaki sa kanya ang isang tuperware na kulay asul. “Ito, o. Luto ‘yan ng aking asawa. Sana magustuhan ninyo. Pagsaluhan niyo habang mainit-init pa.”
Nakangi
