Napalunok si Astrid nang ilang beses nang mapagtanto niya kung saan nagtungo si Gaurav base sa ginawa n'yang pagsunod sunod dito mula pa kanina nang makilala n'ya ang kotse nito pagkaalis n'ya sa headquarters ng TLP. Kung totoo mang patay na ang ama nito at ang grupo nila Phoenix ang may gawa nito, natitiyak n'yang ang tungo nito ay sa lugar ng mag-ama na iyon at tama nga sy'a.
Hindi n'ya alam kung ano ang nagtulak sa kan'ya upang sundan ito at obserbahan ito sa mga lakad nito gayong hindi naman n'ya ito kargo de kunsensya sa totoo lang. Kanina pa s'ya nakamasid mula nang patumbahin nito ang bantay sa main gate ng malaking bahay na iyon. Hindi s'ya makapaniwala na ang noon na inaakala n'yang dikit na samahan ng mga ito ay may itinatago rin palang mga baho. Kung tutuusin ay wala na siyang
